İspaniya və Misir yığmaları arasında keçirilən yoldaşlıq görüşündə səsləndirilən islamofob şüarlar etirazlara səbəb olub.
QOL.az xəbər verir ki, matç zamanı bir qrup ispaniyalı azarkeşin təhqiramiz şüarlar səsləndirməsi, Misirin dövlət himninin fitə basılması və ölkənin baş naziri Pedro Sançesə qarşı ifadələr işlədilməsi ciddi etirazlara yol açıb.
Hadisədən sonra İspaniya millisinin gənc futbolçusu Lamin Yamal da məsələyə münasibət bildirib. O, sosial şəbəkədə paylaşımında müsəlman olduğunu vurğulayaraq bu cür davranışların qəbuledilməz olduğunu qeyd edib və dini məsxərəyə qoymağın insanı yalnız cahil və irqçi kimi göstərdiyini bildirib.
Qeyd edək ki, Yamal futbolun məqsədinin insanların inancına hörmətsizlik yox, oyundan zövq almaq və dəstək vermək olduğunu vurğulayıb.
