Həmişə qara geyinməkdən yorulmusunuzsa, qarderobunuza həm ciddi, həm də dəbli nəfəs gətirəcək yeni rənglər gəlib.
Pravda.az qaraya alternativ 7 əsas rəngi təqdim edir:
Tünd göy: Qaranın ən yaxın və ən kübar rəqibi. Həm ofis, həm də rəsmi tədbirlər üçün mükəmməldir.
Antrasit (tünd boz): Qara qədər kəskin deyil, lakin eyni dərəcədə peşəkar görünür. Bütün rənglərlə asanlıqla uyğunlaşır.
Zümrüd yaşılı: Zəngin və dəbdəbəli görünüş yaradır. Xüsusilə dəri və yun parçalarda çox şık görsənir.
Vişnə çürüyü (bordo): Payız və qış aylarının imtinaedilməzidir. Qara ilə müqayisədə daha isti və enerjili bir hava qatır.
Tünd qəhvəyi (şokolad rəngi): Bu mövsüm qəhvəyi tonları geri qayıdır! Qara yerinə daha yumşaq və təbii bir keçid axtaranlar üçün idealdır.
Tünd bənövşəyi: Yaradıcı və iddialı görünmək istəyənlərin seçimidir. Gecə geyimlərində qaranı əvəz edəcək ən güclü namizədlərdən biridir.
Zeytun yaşılı: Gündəlik stil üçün rahat və fərqli bir seçim. Xüsusilə üst geyimlərində (palto, trençkot) fərqlilik yaradır.
Qeyd: Bu rəngləri qara aksesuarlarla boğmaq yerinə, eyni rəngin müxtəlif çalarlarından istifadə edərək (monoxrom stil) daha müasir görünüş əldə edə bilərsiniz.
Əminə Bayramova
