Idman.biz portalından alınan məlumata görə, ain.az xəbər verir.
Bu gün qadın voleybolçular arasında Azərbaycan Yüksək Liqasında 1/4 final mərhələsinin növbəti iki oyunu baş tutacaq.
İdman.Biz xəbər verir ki, hər iki qarşılaşma Gənclər və İdman Nazirliyinin Voleybol Mərkəzində keçiriləcək.
Günün ilk qarşılaşmasında “Milli Aviasiya Akademiyası” ilə “Abşeron” üz-üzə gələcək. Görüş saat 16:00-da başlayacaq. Komandaların ilk duelində “Milli Aviasiya Akademiyası” 3:2 hesablı qələbə qazanıb.
Günün ikinci oyununda “Gəncə” UNEC-lə münasibətlərə aydınlıq gətirəcək. Bu matç saat 18:00-da start götürəcək. Tərəflər arasında keçirilən ilk oyunda bölgə təmsilçisi 3:2 hesabı ilə üstün olub.
Qeyd edək ki, “Turan” və “DH Volley” komandaları artıq yarımfinal mərhələsinə yüksəliblər.
İdman.Biz
Sonrakı hadisələr barədə daha çox məlumat almaq üçün ain.az saytını izləyin.
