Vaşinqtonda federal hakim, Prezident Donald Trampın Milli Mall yaxınlığında monumental “Müstəqillik Arkı” inşa etmək planının qanuniliyi barədə ciddi suallar qaldırıb. Hakim Tanya Chutkan, layihənin Konqresin təsdiqini atlayıb-atlamayacağını və federal qanunu pozub-pozmayacağını soruşub.

Müraciət edən sakinlər iddia edirlər ki, tikinti başlasa, paytaxtın mərkəzində qorunan tarixi əraziyə geri dönməz ziyan dəyə bilər. Hakim Chutkan Tramp və Ağ Ev rəsmilərinin açıqlamalarına diqqət çəkərək, arxın ölkənin 250 illiyi şərəfinə bu yay tamamlanmasının planlaşdırıldığını xatırladıb.

İclas zamanı 250 fut hündürlüyündə olacağı bildirilen arxın Lincol Memorial və Parisdəki Triumf Qapısı ilə müqayisəsi vurğulanıb. Hakim, tikintinin başlamazdan əvvəl Milli Park Xidməti və Konqresin razılığının alınmasının vacibliyini qeyd edib və əlavə məlumat tələb edib.

Qeyd edək ki, Trampın digər layihəsi olan Ağ Evdəki böyük zalın tikintisi də federal məhkəmə tərəfindən müvəqqəti dayandırılmışdı. Hazırda arxın tikintisi başlanmayıb və məhkəmə prosesi davam edir.

aia.az
Tərcümə şöbəsi

• Layihə
• Tramp
• Hakim
• Milli Mall
• Müstəqillik Arkı