Rusiyalı general Andrey Averyanov ötən ilin dekabr ayında Aralıq dənizində Ukrayna dronları tərəfindən hücuma məruz qalmış "kölgə donanması" tankeri olan "Qendil"in göyərtəsində ola bilərdi. İlkin məlumatlara görə, onun həlak olması mümkündür.
Moderator.az Ukrayna mediasına istinadla xəbər verir ki, bu barədə RFI məlumat yayıb.
Nəşrin mənbələrinə görə, hücum zamanı gəmidə təxminən 10 yüksək rütbəli Rusiya kəşfiyyat zabiti gizli fəaliyyət göstərib və heyət üzvü kimi gizlənib.
Mənbə jurnalistlərə bildirib ki, "Bu, Rusiya kəşfiyyat zabitinin səyahət etməsi üçün ən yaxşı üsuldur".
Liviya mənbələri bildirir ki, zərbə nəticəsində iki nəfər həlak olub, yeddi nəfər yaralanıb. Bu mənbələrə görə, Averyanov ölənlər arasında ola bilər.
O, "Vaqner" qrupundan "Afrika Korpusu"na çevrilmiş strukturda liderlik roluna ehtimal olunan namizəd hesab olunur.
Bundan əlavə, bu hadisədən bir həftə keçməmiş Liviyanın qərbindəki ordunun Baş qərargah rəisi Məhəmməd əl-Həddad Ankaradan qalxdıqdan qısa müddət sonra Türkiyədə təyyarəsi qəzaya uğrayıb.
"RFİ"-nin Liviyadakı mənbələri bu hadisələrin əlaqəli ola biləcəyini irəli sürür və Rusiyanın Livanın "kölgə donanmasına" məxsus tankerlərə hücumlarda Ukraynaya etdiyi iddia edilən yardıma görə qisas almış ola biləcəyi ehtimalını nəzərdən keçirirlər.
Andrey Averyanov Rusiya hərbi kəşfiyyatı ilə əlaqələrinə görə ABŞ Maliyyə Nazirliyi və Avropa Birliyi Şurası tərəfindən sanksiya edilmiş Rusiya hərbi xadimi və generalıdır.
Onun adı Bolqarıstan prokurorlarının hərbi anbarlarda baş verən partlayışlar və digər hadisələrlə bağlı araşdırmalarında da yer alıb.
S.Laçın
