Bakıdakı İran səfiri Azərbaycana təşəkkür etdi

Azərbaycana İrana göstərdiyi həmrəylik və dəstəyə görə təşəkkür edirik.

Aznews.az xəbər verir ki, bunu İranın Azərbaycandakı səfiri Müctəba Dəmirçilu jurnalistlərə açıqlamasında deyib.

O bildirib ki, sayca 3-cü humanitar yardım karvanı bu gün Azərbaycandan İrana yola salınır:

"Bu humanitar yardım Azərbaycan hökümətinin və xalqının İranla həmrəyliyini göstərir. İranın hərbi hücuma məruz qaldığı bir dövrdə bu cür dəstək bizim üçün çox önəmlidir. Azərbaycan İrana ilk humanitar yardım göndərən dövlət olub".