“Milan”ın baş məşqçisi Massimiliano Alleqri İtaliya millisinə rəhbərlik edə biləcəyi ilə bağlı şayiələrə münasibət bildirib.
Publika.az xəbər verir ki, insayder Nikolo Şira Alleqrinin sözlərini sitat gətirib:
“İtaliya milli komandasının çox yaxşı oyunçuları var. Milli komandanın gələcəyi ümidverici görünür. Mən “Milan”la işləməyə başladım və indi bu klubla Çempionlar Liqasına vəsiqə qazanmağa diqqət yetirirəm. “Milan”da qalıram. İtaliya millisi üçün sual “2034-cü ilə qədər nə etməlidir” olmalıdır”.
