Mövsümün sonunda karyerasını başa vuracaq

Simon Minyole futbolçu həyatı ilə bağlı vacib qərar verib.

"Football-plus.az" xəbər verir ki, belçikalı qapıçı mövsümün sonunda peşəkar karyerasını başa vurmağı lazım bilib.

38 yaşlı futbolçunun hazırkı klubu “Brügge” ilə müqaviləsinin müddəti mövsümün sonunda başa çatacaq və tərəflər yeni sözləşmə imzalamayacaqlar. Karyerası ərzində “Sent-Trüyden”, “Sanderlend”, “Liverpul” və “Brügge”nin şərəfini qoruyan Minyole futbolla vidalaşmağa hazırlaşır.

O, 2013-19-cu illərdə “Liverpul”da çıxış edib və 2019-cu ildə Çempionlar Liqasının qalibi olub. Simon həmçinin “Brügge” ilə iki dəfə Belçika çempionluğunu qazanıb.

• Müqavilə
• Futbolçu
• Karyera
• Brügge
• Simon Minyole