Banco.az saytına istinadən ain.az xəbər verir.
Müəllif: Tamara Mustafayeva, Banco.az
Sosial media platforması “X” paylaşımları avtomatik tərcümə edən yeni bir funksiya təqdim edir.
Banco.az xəbər verir ki, şirkət həmçinin təbii dil əsaslı paylaşımlar vasitəsilə şəkilləri redaktə etməyə imkan verən yeni foto redaktə alətini də bazara təqdim edir. Məlum olduğu kimi, görüntü redaktə tətbiqləri insanların razılığı olmadan müxtəlif təsvirlərin yaradılması səbəbindən uzun müddətdir ki, dünya miqyasında tənqid hədəfindədir.
Şirkət bu yeniliklərlə istifadəçilər üçün tətbiqdaxili təcrübəni daha da yaxşılaşdırmağı hədəfləyir. Hər iki funksiya "xAI" şirkətinin "Grok" modelləri ilə dəstəklənir.
"X" platformasının məhsul meneceri Nikita Bier avtomatik tərcümə funksiyasının qlobal miqyasda istifadəyə verildiyini açıqlayıb.
Digər sosial şəbəkələr də paylaşımların daha geniş beynəlxalq auditoriyaya çatmasını təmin etmək üçün bu üsulu sınaqdan keçiriblər. "Reddit" son bir neçə il ərzində maşın tərcüməsi ilə bağlı müxtəlif təcrübələr aparır.
Bizi sosial şəbəkələrdən izləyin!!
Hadisənin gedişatını izləmək üçün ain.az saytında ən son yeniliklərə baxın.
