Yeniavaz saytına istinadən ain.az xəbər verir.
Mingəçevir şəhər İcra Hakimiyyətinin başçısı İlham İsmayılov və şəhərin hüquq-mühafizə orqanlarının rəhbərləri aprel şəhidlərindən Teymur Qasımovun ailəsini ziyarət edib.
Yeniavaz.com xəbər verir ki, icra başçısı hər bir şəhid ailəsinə yüksək dövlət qayğısının davamlı xarakter daşıdığını bildirib.
“Bununla bağlı Azərbaycan dövləti ardıcıl olaraq bu kateqoriyalı insanların sosial müdafiəsinin daha da gücləndirilməsi istiqamətində sistemli tədbirlər həyata keçirir”, - deyə başçı bildirib.
Şəhid ailəsinin üzvləri göstərilən daimi dövlət dəstəyinə görə minnətdarlıq ediblər.
Qeyd edək ki, Mingəçevir şəhəri Aprel döyüşlərində 4 şəhid verib. Rahim Tağıyev, Rüstəm Əhmədov, Adil Adilzadə və Teymur Qasımov aprel döyüşlərində qəhrəmanlıq göstərərək öz qanları, canları ilə torpaqlarımız uğrunda şəhidlik zirvəsinə ucalıblar.
Esmira Hidayətova, Mingəçevir
Daha ətraflı məlumat və yeniliklər üçün ain.az saytını izləyin.
