BAKI, 10 aprel. TELEQRAF
Avropa Yenidənqurma və İnkişaf Bankı ( AYİB ) İrandakı hərbi münaqişədən ən çox təsirlənən ölkələrin iqtisadiyyatını dəstəkləmək üçün 2026-cı ildə 5 milyard avro ayırmağı planlaşdırır.
Teleqraf xəbər verir ki, bu barədə AYİB-in açıqlamasında bildirilir.
AYİB-in bəyanatında deyilir ki, bankın dəstək proqramı böhrandan birbaşa təsirlənən ölkələrə, məsələn, İraq , İordaniya , Livan , Qərb Şəriyəsi və Qəzza zolağına yönələcək. Bundan əlavə, yardım alacaq ilkin ölkələr qrupuna Misir, Türkiyə , Ermənistan və Azərbaycan daxildir .
Bank bildirib ki, AYİB 2026-cı ildə bu ölkələrə 5 milyard avro investisiya qoymağı planlaşdırır.
