İspaniya İranı İslamabadda ABŞ-lə keçiriləcək danışıqlarda yaxşı niyyətlə iştirak etməyə çağırıb.
Redaktor.az xəbər verir ki,“Middle East Eye” nəşrinin məlumatına görə, İspaniya xarici işlər naziri Jose Manuel Albares iranlı həmkarı Abbas Əraqçi ilə telefon danışığında İranı bütün raket və dron hücumlarını dayandırmağa çağırıb.
“Biz İranı danışıqlarda yaxşı niyyətlə iştirak etməyə çağırırıq”, - Albares jurnalistlərə açıqlamasında vurğulayıb.
İspaniya XİN rəhbəri Livana qarşı hücumları davam etdirdiyinə görə İsraili tənqid edib.
