Bakı, 11 aprel, AZƏRTAC
Futbol üzrə Misli Premyer Liqasında XXVII turun daha bir oyunu keçirilib.
AZƏRTAC xəbər verir ki, günün ikinci görüşündə “Zirə” "Bank Respublika Arena"da “Sabah”ın qonağı olub.
Matç 2:2 hesablı heç-heçə ilə bitib.
Bu nəticədən sonra “Sabah” 66 xalla turnir cədvəlində liderliyini davam etdirir. “Zirə” isə 44 xalla 4-cüdür.
Son qarşılaşmada “Neftçi” öz meydanında “Araz-Naxçıvan”ı qəbul edəcək. “Palms Sports Arena” stadionunda keçiriləcək oyun saat 20:00-da başlayacaq.
Daha əvvəl “Şamaxı” - “Qarabağ” matçında qapılara qol vurulmayıb - 0:0.
Qeyd edək ki, tura aprelin 12-də yekun vurulacaq. Açılış matçında "Karvan-Yevlax" "Kəpəz"i 4:1 hesabı ilə üstələyib.
