LSEG və Kpler məlumatlarına əsasən, gəmilər blokadaya düşməmək üçün xaotik hərəkət edir. Liberiya bayraqlı "Mombasa B" tankeri körfəzdə ballast əməliyyatlarını sürətləndirib, Maltaya məxsus "Agios Fanourios I" isə Oman körfəzi yaxınlığında lövbər salaraq gözləmə mövqeyi tutub. Ekspertlər Donald Trampın bu addımını yüksək riskli qiymətləndirirlər. Blokadanın uğuru İranın "neft şantajı" rıçaqını əlindən ala bilər, lakin bunun üçün nəhəng hərbi resurs və uzunmüddətli dözümlülük tələb olunur. Blokada təkcə İranla deyil, Çin və Hindistan kimi nəhəng neft idxalçıları ilə də gərginliyə səbəb ola bilər. Eyni zamanda, Tehranın regiondakı ABŞ bazalarına cavab zərbələri endirmə ehtimalı yüksəkdir.
Gərginlik fonunda dünya bazarlarında neftin qiyməti artıq 102 dolları ötüb. Analitiklər xəbərdarlıq edir ki, dənizdəki hərbi qarşıdurma uzun çəkərsə, enerji böhranı qaçılmaz olacaq.
