“Ermənistan iqtisadi inkişafın tamamilə yeni mərhələsinə qədəm qoyur və bu, Ermənistanla Azərbaycan arasında bərqərar olan sülhlə əlaqələndirilir”.
Missiya.Az xəbər verir ki, bunu Ermənistanın Baş naziri Nikol Paşinyan iş adamları ilə görüşündə deyib.
"Yaxın gələcəkdə böyük hadisələr gözləyirik ki, bunlar əsasən TRIPP layihəsinin başlanması ilə bağlıdır və bu, sonda Ermənistan Respublikasını blokadadan tamamilə çıxaracağı baxımından vacibdir. Amma əslində, bu gün Ermənistan blokadanı aşıb, çünki bilirsiniz ki, Azərbaycan ərazisindən Ermənistana dəmir yolu ilə yük daşımaları həyata keçirmək mümkündür və bu, həyata keçirilir, amma mən onu da demək istəyirəm ki, ixrac, Gürcüstan ərazisindən dəmir yolu ilə də həyata keçirilə bilər, halbuki biz əvvəlcə TRIPP layihəsi çərçivəsində Azərbaycanla dəmir yolunu açacağıq. Bu, çox vacibdir və siyasi razılaşma ondan ibarətdir ki, bu dəmir yolu heç vaxt bağlanmayacaq. Başqa sözlə, bu, həm idxal, həm də ixrac üçün etibarlı bir marşrutdur" , - deyə siyasətçi vurğulayıb.
Daşqın HəsənovMissiya.Az
