Ermənistanda seçkilər ərəfəsində müxalif düşərgədən növbəti iddialı açıqlama səslənib.
Musavat.com erməni mediasına istinadən xəbər verir ki, sabiq xarici işlər naziri Vardan Oskanyan sosial şəbəkədə paylaşım edərək qarşıdan gələn parlament seçkilərində “kollektiv müxalifətin” qələbə qazanacağını iddia edib.
Oskanyan vurğulayıb ki, əsas məqsəd təkcə seçkilərdə qalib gəlmək deyil, həm də baş nazir Nikol Paşinyanın rəhbərlik etdiyi siyasi qüvvənin parlamentə düşməsinin qarşısını almaqdır.
Onun sözlərinə görə, yalnız bu halda son 8 ilin “səhifəsini bağlamaq” mümkün olacaq.
Musavat.com
