Xavyer Maskerano “İnter Mayami”dən getdi – Rəsmi

Xavyer Maskerano Amerika Birləşmiş Ştatlarının “İnter Mayami” komandasının baş məşqçisi vəzifəsindən ayrılıb.

Arena.az xəbər verir ki, bu barədə MLS klubunun mətbuat xidməti məlumat yayıb.

41 yaşlı məşqçi öz istəyi ilə vəzifəsindən gedib. O, bunun ailəvi məsələlərlə əlaqəli olduğunu vurğulayıb.

Xatırladaq ki, Maskerano 2025-ci ilin əvvəlindən bu komandanı çalışdırırdı. Argentinalı mütəxəssisin klubla müqaviləsi 2028-ci ilin dekabr ayına qədər qüvvədə idi.

“İnter Mayami” ötən mövsüm Maskeranonun rəhbərliyi altında MLS-in qalibi olsa da, cari mövsümdə Şərq Konfransında üçüncü pillədə qərarlaşıb. Mayami təmsilçisi argentinalı məşqçi ilə 67 oyun keçirib, 38 qələbə, 15 heç-heçə, 14 məğlubiyyət görüb.

Xavyer Maskerano daha öncə Argentinanın U-20 və U-23 yığmalarında da baş məşqçi kimi çalışıb.