ABŞ və İran arasında Yaxın Şərqdə davam edən münaqişə yay aylarında da sürərsə, qlobal iqtisadiyyat kəskin şəkildə yavaşlaya və resessiyaya daxil ola bilər. Bunu Beynəlxalq Valyuta Fondunun (BVF) icraçı direktoru Kristalina Georgieva bildirib.
“Əgər yay ərzində də tədarükdə fasilələrin davam etdiyini görsək, iqtisadiyyat daha ciddi şəkildə zəifləyəcək. Və əlbəttə ki, ən pis ssenari də mövcuddur, ümid edirəm ki, onun müzakirəsindən yayınmaq mümkün olacaq”, — deyə Georgieva qeyd edib.
BVF rəhbərinin sözlərinə görə, Yaxın Şərqdəki münaqişə səbəbindən qlobal iqtisadiyyat neft və qazın 20%-ni əldə edə bilmir. O, milli hökumətləri neft məhsullarının ixracına məhdudiyyət qoymamağa çağırıb, çünki bu addım “təklif şokunu daha da gücləndirəcək”.
