Azərbaycanda son sutkada 35 cinayət qeydə alınıb, 86 axtarışda olan şəxs saxlanılıb. Bu barədə Daxili İşlər Nazirliyindən bildirilib.
Aprelin 15-də ölkə ərazisində qeydə alınan 35 cinayətin, həmçinin əvvəlki dövrlərdən bağlı qalan 2 cinayətin açılması təmin olunub.
Bildirilib ki, axtarışda olan ümumilikdə 86 nəfər, o cümlədən borclu şəxs qismində axtarılan 71 nəfər saxlanılaraq aidiyyəti üzrə təhvil verilib.
Hesabatda qeyd olunur ki, narkotiklərlə bağlı 20, qanunsuz silah-sursatla əlaqədar 3 fakt aşkarlanıb, cinayət törətməkdə şübhəli bilinən 37 nəfər saxlanılıb.
Gülnar
