BAKI, 16 aprel. TELEQRAF
İtaliya nəhənglərindən "Yuventus" kapitanı Manuel Lokatelli ilə müqavilə yeniləyib.
Teleqraf xəbər verir ki, bu barədə insayder Fabritsio Romano “X” sosial şəbəkə hesabında paylaşım edib.
Məlumata görə, İtaliya A Seriyası təmsilçisi 27 yaşlı yarımmüdafiəçi ilə 2030-cu ilə qədər yeni müqavilə imzalayıb.
Bu mövsüm "Yuventus"da 41 oyunda meydana çıxan Lokatelli 3 qol vurub və 2 məhsuldar ötürmə edib.
