İspaniyanın neft və qaz şirkəti Repsol Venesuela hökuməti ilə müqavilə imzalayıb.
“İki sahil” bu barədə "Financial Times" məlumat yayıb.
Müqavilə şirkətə ölkədəki neft aktivləri üzərində nəzarəti bərpa etməyə imkan verəcək. Məlumata görə, müqavilənin şərtlərinə üç il ərzində hasilatın üçqat artırılması və Venesueladan "zəmanətli ödənişlər" sisteminin yaradılması daxildir.
Repsol şirkəti 1993-cü ildən bəri Venesuelada fəaliyyət göstərir. ABŞ sanksiyalarının qüvvədə olduğu 2023-cü ildə İspaniya şirkəti yerli hakimiyyət orqanları ilə ölkədə fəaliyyətini davam etdirməyə icazə verən razılaşma əldə edib. Lakin 2025-ci ildə ABŞ prezidenti Donald Tramp Repsol və digər Qərb şirkətlərinin Venesueladakı əməliyyat lisenziyalarını ləğv edib.
FT-yə görə, mövcud müqaviləyə Venesuelanın Repsol şirkətinə 4,55 milyard dollar ödəmək öhdəliyi daxil deyil və şirkət yerli hakimiyyət orqanlarının bu məbləği az ödədiyini iddia edir. Lakin zəmanətli ödəniş sisteminin tətbiqi gələcəkdə belə halların qarşısını almağa kömək edəcək.
