Səudiyyə Ərəbistanı milli komandasının baş məşqçi vəzifəsinə Georgios Donis təyin olunub.
QOL.az xəbər verir ki, Səudiyyə Ərəbistanı Futbol Federasiyasının açıqlamasına görə, 56 yaşlı yunan mütəxəssislə 2027-ci ilin iyuluna qədər müqavilə imzalanıb.
Donis karyerası ərzində AEK Afina, PAOK və “Panatinaikos” kimi klubları çalışdırıb. O, həmçinin Səudiyyə Ərəbistanında “Əl-Hilal”, “Əl-Vəhda”, “Əl-Fateh” və “Əl-Xəlic” komandalarında da işləyib.
Qeyd edək ki, Səudiyyə Ərəbistanı yığması 2026 FIFA Dünya çempionatında H qrupunda İspaniya, Kabo-Verde və Uruqvay milli komandaları ilə mübarizə aparacaq.
