"Ayaks"ın müdafiəçisi Dies Yansen Belçikaya transfer oluna bilər.
QOL.az xəbər verir ki, "Goal.com" nəşrinin məlumatına görə, "Brügge" gənc futbolçu ilə danışıqların son mərhələsinə çatıb.
Hazırda icarə əsasında "Qroningen"də çıxış edən oyunçu yayda "Ayaks"a qayıtmalıdır, lakin Belçika klubunun marağı onun planlarını dəyişə bilər.
Qeyd olunur ki, tərəflər arasında müzakirələr irəliləsə də, hələ rəsmi təklif yoxdur. Futbolçunun Amsterdam təmsilçisi ilə müqaviləsi 2029-cu ilin yayına qədər qüvvədədir.
