BAKI, 27 aprel. TELEQRAF
Misir millisinin və "Liverpul"un ulduz hücumçusu Məhəmməd Salah 2025/2026 mövsümünü erkən başa vurub.
Teleqraf xəbər verir ki, 33 yaşlı hücumçu Premyer Liqanın 34-cü turunda "Kristal Palas"a qarşı keçirilən oyunda zədə alıb.
Məlumata görə, Salahın bud əzələsində yırtıq aşkarlanıb. Misirli ulduzun 4 həftə müalicə alacağı bildirilib.
Qeyd edək ki, o, cari mövsümdə Premyer Liqada 25 oyun keçirib, 7 qol vurub və 6 məhsuldar ötürmə edib.
