Lerik rayonundakı qəzada ölən şəxsin müharibə veteranı olduğu üzə çıxıb.
"Yeni Sabah" xəbər verir ki, hadisə rayonun Nəsodi kəndi ərazisində qeydə alınıb.
Astara rayonunun 1999-cu il təvəllüdlü Motlayataq kənd sakini Həmzə Mirseyidzadə idarə etdiyi "QAZ-66" markalı yük avtomobili ilə hərəkətdə olarkən idarəetməni itirib və nəqliyyat vasitəsi dərəyə aşıb.
Sürücü Lənkəran Rayon Mərkəzi Xəstəxanasına aparılarkən yolda ölüb.
H.Mirseyidzadə Vətən müharibəsi iştirakçısı olub. O, 2 ay əvvəl ailə həyatı qurubmuş.
Faktla bağlı araşdırma aparılır.
Telegram kanalımız
