ABŞ Prezidenti Donald Tramp müşavirlərinə İranın Hörmüz boğazını açmaq və müharibəni bitirməklə bağlı son təklifindən narazı olduğunu bildirib.
Bakıvaxtı.az-ın xəbərinə görə, bu barədə “The New York Times“ mənbələrinə istinadən məlumat verib.
İranın təklifində ABŞ-ın dəniz blokadasına son qoyması tələb olunur, lakin İranın nüvə proqramı məsələsi təxirə salınır.
Trampın təklifdən niyə narazı qaldığı dəqiq məlum olmasa da, o, dəfələrlə İranın nüvə silahına sahib ola bilməyəcəyində israr edib.
ABŞ rəsmisi həmçinin qəzetə bildirib ki, təklifi qəbul etmək "Trampın qələbəsini əlindən almaq" kimi görünə bilər.
