Kulis.az saytından əldə olunan məlumata görə, ain.az məlumat yayır.
Braziliyada - Rio-de - Janeyroda tanınmış müğənni Şakiranın konserti üçün səhnə quraşdıran mütəxəssis faciəvi qəza nəticəsində həyatını itirib.
"Euronews"un verdiyi xəbərə görə, komandalar həftələrdir şəhərin Kopakabana sahilində qurulacaq nəhəng səhnə üzərində intensiv işləyirdilər.
Tədbir təşkilatçıları "Instagram" vasitəsilə yaydıqları açıqlamada, bazar günü günorta saatlarında baş verən qəzanın "səhnə strukturunda çalışan peşəkar bir mütəxəssisin ölümü ilə nəticələndiyini" bildiriblər.
Açıqlamada qeyd olunur ki, hadisə yerində dərhal ilkin tibbi yardım göstərilib və yaralı xəstəxanaya çatdırılsa da, onun həyatını xilas etmək mümkün olmayıb.
Rio-de-Janeyro Yanğınsöndürmə İdarəsi texnikin qaldırıcı sistemdə baş verən qəza zamanı ayaqlarından ağır əzilmə xəsarətləri aldığını bildirib.
Qeyd edək ki, bu faciəvi hadisə Şakiranın "Las Mujeres Ya No Lloran" dünya turnesi çərçivəsində 2 may şənbə günü keçirilməsi planlaşdırılan "Todo Mundo No Rio" adlı pulsuz konsert ərəfəsində yaşanıb.
Südabə Sərvinin yeni kitabı çap olundu
Avropa Komissiyası Venesiya Biennalesinə maliyyəni dayandırdı - Rusiyaya görə
Britni Spirs reabilitasiya mərkəzinə yerləşdirildi
Daha ətraflı məlumat və yeniliklər üçün ain.az saytını izləyin.
