Azarkeşlər "Neftçi"ni 13 min, "Qarabağ"ı 7 min manat ziyana saldı

Bu gün AFFA İntizam Komitəsinin iclası keçirilib.

"Football-plus.az" xəbər verir ki, iclasda Misli premyer-liqasının 29-cu turunda baş verən qayda pozuntuları ilə bağlı qərarlar verilib.

“Neftçi” – “Qarabağ” oyununun 90+3-cü dəqiqəsində “Neftçi”nin azarkeşləri tərəfindən meydanaçaya kənar əşyalar atıldığına və bu hal cari mövsümdə 6-cı dəfə təkrarlandığına görə klub 5000 manat cərimə edilib.

Oyunda “Neftçi"nin azarkeşləri tərəfindən kütləvi şəkildə təhqiramiz ifadələr səsləndirildiyinə və bu hal cari mövsümdə 8-ci dəfə təkrarlandığına görə “Neftçi” 8000 manat cərimə edilib.

Görüşdə "Qarabağ”ın azarkeşləri tərəfindən pirotexniki vasitədən istifadə edildiyinə və bu hal cari mövsümdə 4-cü dəfə təkrarlandığına görə “Qarabağ” 7000 manat cərimə edilib.