"Real Madrid" klubu əzəli rəqibi "Atletiko Madrid"in U-12 komandasının ulduzu Viti ləqəbli Visente Viktor Korrea Mendini heyətinə qatıb.
Fanat.Az xəbər verir ki, "AS" nəşrinin yaydığı məlumata görə, sol cinah müdafiəçisi mövqeyində çıxış edən gənc istedadın transferi klublar arasındakı "bir-birindən futbolçu almamaq" paktının növbəti dəfə pozulması kimi qiymətləndirilir.
2013 doğumlu Vitinin texniki bacarığı və oyun intuisiyası "kral klubu"nun skautlarını heyran edib və tərəflər artıq razılıq əldə ediblər.
Mütəxəssislər bu addımı "Real Madrid"in gələcəyə hesablanmış ən uğurlu investisiyalarından biri kimi dəyərləndirirlər.
