Almaniyada yanacağın qiymətləri kəskin bahalaşaraq rekord səviyyəyə çatıb.
Publika.az xəbər verir ki, Almaniya Avtomobil Klubu (ADAC) tərəfindən açıqlanan məlumata əsasən, yanacaqla bağlı güzəştin qüvvəyə minməsinə qısa müddət qalmış dizel yanacağının qiyməti ölkə üzrə orta hesabla hər litr üçün 17,7 sent artıb. “E10” markalı benzinin qiyməti isə 15,4 sent yüksəlib.
Bahalaşmanın əsas səbəblərindən biri kimi dünya bazarlarında neftin qiymətlərinin artması olduğu bildirilir. Son günlər neftin qiyməti 2022-ci ildən bəri ən yüksək səviyyəyə çatıb. Halbuki bir gün əvvəl ölkə üzrə orta qiymətlərdə ciddi dəyişiklik qeydə alınmamışdı.
