Canluka Prestianninin aqibəti müəyyənləşib. UEFA “Benfika”nın futbolçusunu ağır cəzalandırıb.
"Football-plus.az" xəbər verir ki, buna onun Çempionlar Liqasının pley-offunun “Real”la ilk matçındakı (0:1) davranışı səbəb olub.
UEFA-nın yaydığı məlumata görə, 20 yaşlı argentinalı yarımmüdafiəçi oyun zamanı madridlilərin oyunçusu Vinisius Juniora qarşı ayrı-seçkilik edib və homofob ifadələr işlədib. Buna görə də Prestianni 6 oyunluq cəzaya layiq bilinib. Bu cəza yalnız avrokuboklardakı oyunlara şamil ediləcək.
Məlumatda qeyd olunur ki, 3 oyunluq cəza şərti xarakter daşıyır. Canluka növbəti 2 il ərzində intizam qaydalarını pozmasa, cəza ləğv oluna bilər. Əks halda argentinalı futbolçu daha 3 matçı buraxmalı olacaq.
UEFA həmçinin FİFA-dan qadağanı bu təşkilatın bayrağı altında keçirilən turnirlərə şamil etməsini istəyib. Bu tələb təmin olunarsa, Prestianni beynəlxalq oyunları, o cümlədən bu yay keçiriləcək dünya çempionatını buraxmaq riski ilə üzləşib.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
