Cebheinfo portalından verilən məlumata əsasən, ain.az bildirir.
Miçiqan Universitetində aparılan bir araşdırma, qidanın ömür uzunluğuna təsirini ortaya qoyub.
"Cebheinfo.az" xəbər verir ki, tədqiqatçı Dr. Olivier Jolliet qidalanma vərdişlərimizin təkcə sağlamlığımıza deyil, həm də hər yeməyin ömrümüzü neçə saniyə qısaltdığına təsirini izah edib.
Mütəxəssis emal olunmuş ətlərin (kolbasa, sossiska) ürək sağlamlığına dağıdıcı təsirini xüsusi olaraq vurğulayır.
Araşdırmanın nəticələrinə görə, yalnız bir hotdoq yemək, insanın sağlam ömrünü təxminən 36 dəqiqə azaldır. Yüksək natrium və doymuş yağ tərkibi saniyələr ərzində arteriyaların tıxanmasına səbəb ola bilər.
Həmçinin, şəkərli içkilərin bədəndə xroniki iltihaba səbəb olduğunu və hüceyrələrin qocalmasını sürətləndirdiyini bildirir.
Bu içkilərin müntəzəm istehlakı 2-ci tip diabet və metabolik sindrom riskini maksimum dərəcədə artırır, həm həyat keyfiyyətini, həm də ömrü azaldır.
Tədqiqat qrupundakı mütəxəssislər vurğulayırlar ki, əvvəlcədən qablaşdırılmış qəlyanaltılarda olan trans yağlar "yaxşı xolesterolu" aşağı salır və "pis xolesterolu" artırır. Bunun ateroskleroza səbəb olduğu və ömrü qısaldan koronar ürək xəstəliyinin bir nömrəli səbəbi olduğu elmi olaraq bildirilib.
Bildirilir ki, emal olunmuş qidalar əvəzinə qoz-fındıq, meyvə və paxlalı bitkilərin istehlakı insanın ömrünü bir neçə dəqiqə uzadır.Məsələn, qeyd olunur ki, bir porsiya qoz-fındıq ömrü orta hesabla 26 dəqiqə uzadır.
Mütəxəssislər, boşqabımızdakı hər bir dəyişikliyin bioloji yaşımıza birbaşa təsir etdiyini qəbul edirlər. Elmi məlumatlar sübut edir ki, daha uzun ömür "nə yemədiyimiz"dən başlayır.
Nigar
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
