Rusiyada balkonda kabab bişirənlər cərimələnə bilər.
Ekologiya.az xəbər verir ki, bu barədə hüquqşünaslar xəbərdarlıq ediblər. Məlumata görə, balkonda manqal yandırmağa görə cərimə 5 min rubl təşkil edir. Qayda pozuntusu daha ciddi hal kimi qiymətləndirilərsə, cərimə 15 min rubla qədər arta bilər.
Hətta heç kimin əmlakına ziyan dəyməsə belə, bu məbləğ tətbiq oluna bilər. Yanğın baş verərsə, cərimə 50 min rubla qədər yüksələ bilər.
Hüquqşünaslar vətəndaşlara xəbərdarlıq edirlər ki, balkonda açıq oddan istifadə həm təhlükəlidir, həm də qanunla məsuliyyət yaradır.
