Heç düşünmüsünüz ki, yaş sadəcə rəqəmdir? İspaniyada bu fikir artıq gerçəyə çevrilir.
70 yaşlı Anxel Mateos Qonsales bazar günü Kolunqa komandasında qapıçı kimi meydana çıxmağa hazırlaşır. Komanda Praviano ilə qarşılaşacaq.
Əgər o, oyunda iştirak etsə, İspaniyada rəsmi matçda meydana çıxan ən yaşlı futbolçu kimi tarixə düşəcək.
Klub bu addımı simvolik qərar kimi qiymətləndirərək bildirib ki, Anxel futbola olan sevgi, davamlılıq və hörmətin canlı nümunəsidir.
O, 43 yaşında peşəkar karyerasını bitirsə də, futboldan uzaqlaşmayıb. Bu mövsüm komandada qapıçılara dəstək verir və aktiv həyat tərzini davam etdirir.
