ain.az bildirir, Qol.az portalına istinadən.
"Kəpəz" "Sumqayıt"a, "İmişli" "Araz-Naxçıvan"a qalib gəldi
Bu gün Misli Premyer Liqasında 30-cu tura start verilib.
QOL.az xəbər verir ki, ilk oyun gününə nəzərdə tutulan matçlar artıq başa çatıb.
Əvvəlcə “Kəpəz” Yevlaxda “Sumqayıt”ı qəbul edib. Qarşılaşma "Kəpəz"in 2:1 hesablı qələbəsi ilə yekunlaşıb. Hazırda Gəncə klubu 24 xalla turnir cədvəlində 10-cu, “gənclik şəhəri”nin təmsilçisi isə 38 xalla 7-ci pillədə qərarlaşıb. Cari mövsüm bu komandaların hər iki oyunu 3:0 hesabı ilə yekunlaşıb. İlk dövrədə “Sumqayıt”, ikinci dövrədə isə "Kəpəz" qələbə qazanıb.
Günün digər qarşılaşmasında isə Sumqayıtda “Araz-Naxçıvan” “İmişli”ni sınağa çəkib. Matç İmişli təmsilçisinin 1:0 hesablı qələbəsi ilə yekunlaşıb. Bu komandaların ilk dövrədəki oyununda Naxçıvan klubu 2:0 hesablı qələbə qazanıb. İkinci dövrədə isə tərəflər meydandan 1 xalla ayrılıblar - 2:2.
2 may (şənbə)
18:30. “Araz-Naxçıvan” - “İmişli” - 0:1
Qol: Dioqo Kardozu, 18
“SOCAR Polymer Arena”
16:00. “Kəpəz” - “Sumqayıt” - 2:1
Qol: Yusif İmanov, 64-avtoqol (0:1), Rauf Hüseynli, 86-pen. (1:1), Rauf Hüseynli, 89-pen. (2:1)
Yevlax şəhər stadionu
3 may (bazar)
16:00. “Şamaxı” - “Sabah”
18:30. “Zirə” - “Qəbələ”
4 may (bazar ertəsi)
19:30. “Qarabağ” - “Turan Tovuz”
5 may (çərşənbə axşamı)
16:00. “Karvan-Yevlax” - “Neftçi”
Bombardirlər:
Coy Lens Mikels (“Sabah”) - 18 qol
Bassalu Sambu ("Neftçi") - 11 qol
Velko Şimiç (“Sabah”) - 11 qol
Joarlem Santos ("Turan Toviz") - 10 qol
Emin Mahmudov ("Neftçi") - 9 qol
Karim Rossi ("Şamaxı") - 9 qol
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
