Özbəkistanın Səmərqənd şəhərində Asiya İnkişaf Bankının (AİB) Rəhbərlər Şurasının 59-cu İllik Toplantısı öz işinə başlayıb.
Publika.az xəbər verir ki, bu il görüş "Tərəqqinin kəsişmə nöqtəsi: regionun qarşılıqlı əlaqəli gələcəyinə dəstək" mövzusunda keçirilir.
Əsas tədbirlər mayın 3-dən 6-dək baş tutacaq.
Qeyd etmək lazımdır ki, tədbirdə Azərbaycanı maliyyə naziri və AİB-nin Rəhbərlər Şurasının üzvü Sahil Babayevin rəhbərlik etdiyi nümayəndə heyəti təmsil edir.
Bu il iclasda yüksək vəzifəli dövlət məmurları, üzv ölkələrin mərkəzi banklarının rəhbərləri, beynəlxalq maliyyə institutlarının, özəl sektor, vətəndaş cəmiyyəti və KİV nümayəndələri daxil olmaqla, üç mindən çox şəxs iştirak edəcək.
