Fars və Tasnim agentliyinin məlumatına görə, İran hakimiyyəti ABŞ-a Tehranın münaqişəyə son qoymaq üçün əsas şərtlərini əks etdirən 14 bəndlik sənəd təqdim edib. Agentliklər təklifi Vaşinqtonun əvvəlki doqquz bəndlik təklifinə cavab kimi təsvir edirlər.
Tehran Vaşinqtondan təcavüzkarlığa qarşı zəmanət, Amerika qoşunlarının qonşu bölgələrdən çıxarılması, dəniz blokadasının ləğvi və dondurulmuş İran aktivlərinin azad edilməsini tələb edir. İran həmçinin təzminat, sanksiyaların ləğvi, bütün cəbhələrdə (Livan da daxil olmaqla) hərbi əməliyyatların dayandırılması və yeni "Hörmüz boğazının işləməsi üçün mexanizm" yaradılmasını istəyir.
Tasnim agentliyinin məlumatına görə, ABŞ əvvəlki təklifində iki aylıq atəşkəs tələb etmişdi, İran hakimiyyəti isə bütün məsələlərin bir ay ərzində həll edilməli olduğunu bildirmişdi. Agentlik bildirir ki, "vurğu atəşkəsin uzadılmasına deyil, müharibənin bitməsinə yönəlməlidir".
Tehran hazırda Vaşinqtonun cavabını gözləyir. ABŞ prezidenti Donald Tramp İranın əvvəlki təklifindən narazı qalıb və respublika hakimiyyətinin ona verə bilməyəcəyi bir şeyi istədiyini bildirib.
S.ELAY
XQ
