BAKI, 3 may. TELEQRAF
ABŞ Prezidentinin xüsusi nümayəndəsi Stiv Uitkoff Vaşinqtonun İranla sülh nizamlanması üzrə müzakirələri davam etdirdiyini açıqlayıb.
Teleqraf xəbər verir ki, bu barədə Uitkoff CNN telekanalına müsahibəsində danışıb.
O, danışıqların hazırkı vəziyyəti ilə bağlı suala cavab olaraq bildirib ki, tərəflər arasında əlaqə hələ də davam edir.
“Biz ünsiyyət aparırıq”, – deyə ABŞ prezidentinin xüsusi nümayəndəsi qeyd edib.
Qeyd edək ki, ABŞ və İran arasında münaqişənin həlli istiqamətində diplomatik təmaslar son dövrlərdə intensiv xarakter alıb.
