Nyu-York şəhərinin keçmiş meri, ABŞ prezidenti Donald Trampın vəkili olmuş Rudi Culiani kritik vəziyyətdə xəstəxanaya yerləşdirilib.
Musavat.com xəbər verir ki, məlumatı onun mətbuat katibi Ted Qudman yayıb. Onun sözlərinə görə, keçmiş merin vəziyyəti kritik, amma stabildir: "Mer Culiani həyatındakı hər bir çətinliklə sarsılmaz güclə üzləşən döyüşçüdür və eyni səviyyədə güclə mübarizə aparır".
ABŞ prezidenti Donald Tramp da Truth Social-da keçmiş vəkili və məsləhətçisinin xəstəxanaya yerləşdirildiyini açıqlayıb: "Əsl döyüşçü və şübhəsiz ki, Nyu-York şəhəri tarixinin ən yaxşı meri olan gözəl Rudi Culiani xəstəxanaya yerləşdirilib və kritik vəziyyətdədir".
81 yaşlı Culianinin xəstəxanaya yerləşdirilməsinin birbaşa səbəbi açıqlanmayıb.
Musavat.com
