Filippinin şərqində yerləşən Samar adasında zəlzələ baş verib.
Manset.az xarici mediaya istinadən xəbər verir ki, ABŞ Geoloji Tədqiqatlar Mərkəzi (USGS) Filippinin şərqindəki Samar adasının şimal-qərbində yerləşən Nena bölgəsində 6 bal gücündə zəlzələnin qeydə alındığını açıqlayıb.
Zəlzələnin 73,3 kilometr dərinlikdə baş verdiyi və ölkənin şərq sahillərindəki digər yaşayış məntəqələrində də hiss olunduğu bildirilib.
Hadisədən sonra insan tələfatı və ya maddi ziyan barədə məlumat verilməyib.
