Hörmüz boğazında İran ordusunun nəzarət və idarə etdiyi yeni zona müəyyənləşdirilib.
APA-nın Tehran bürosunun məlumatına görə, bu barədə İran İslam İnqilabı Keşikçiləri Korpusu (SEPAH) məlumat yayıb.
SEPAH-dan bildirilib ki, bu zona cənubdan İranda yerləşən Kuh-e Mobarak ilə BƏƏ-nin Fuceyra şəhərinin cənubu arasındakı xətdən, qərbdən isə İranda yerləşən Qeşm adasının son nöqtəsi ilə BƏƏ-nin Umm əl-Küveyn ərazisi arasındakı xətdən ibarətdir.
