BAKI, 4 may. TELEQRAF
ABŞ-İran münaqişəsindən sonra Birləşmiş Ərəb Əmirlikləri (BƏƏ)qonşu ölkələrdən qisas almaq məqsədilə OPEC və OPEC+ təşkilatlarından çıxmaq qərarına gəlib.
Teleqraf xəbər verir ki, bu barədə İran Xarici İşlər Nazirliyinin sözçüsü Esmail Baghaei bildirib.
Onun sözlərinə görə, İran tərəfi bu qərardan mediadan məlumat alıb:
"Lakin hesab edirəm ki, region və ya OPEC üzv ölkələrinə qarşı BƏƏ-nin bu mənfi reaksiyası heç də konstruktiv deyil", - deyə o vurğulayıb.
Qeyd edək ki, mayın 1-dən BƏƏ-nin OPEC və OPEC+ təşkilatlarından çıxmaq qərarı qüvvəyə minib. Bazar günü Ərəb Neft İxrac Edən Ölkələr Təşkilatı (OAPEC) BƏƏ-nin bu ilin 1 may tarixindən etibarən təşkilatdan çıxdığını elan edib.
ADNOC-un baş direktoru Sultan bin Əhməd Əl-Cabir bildirib ki, BƏƏ-nin təşkilatlardan çıxmaq qərarı dövlətin suveren maraqlarına uyğundur və digər ölkələrə qarşı yönəlməyib.
