Müəllif:Mehin Qasımova,Banco.az
Fransa hökuməti Aİ-yə üzv olmayan ölkələrdən olan tələbələr üçün ali təhsil haqqını əhəmiyyətli dərəcədə artırmağı planlaşdırır.
Banco.az xəbər verir ki, bu barədə Fransa Ali Təhsil Nazirliyi "Ali Təhsil üçün Fransanı Seçin" adlı yeni strategiyanın təqdimatı zamanı açıqlama verib.
Plana əsasən, Avropa İttifaqı xaricindəki ölkələrin vətəndaşları üçün təhsil xərcləri çox yüksək olacaq. Mövcud vəziyyətə əsasən, xarici tələbələrin böyük əksəriyyətinin tam ödənişli sistemə keçiriləcəyi bildirilir.
Filip Baptistin sözlərinə görə, hazırda beynəlxalq tələbələrin təxminən 90 faizi bütün xərclərini tam ödəyir. Yeni sistem bu təcrübəni daha da sərtləşdirəcək.
Yeni təklifə əsasən, Avropa Birliyi xaricindəki ölkələr üçün rüsumlar aşağıdakı kimi müəyyən edilə bilər:
- Lisenziya: İllik təxminən 2895 avro (əvvəlki 178 avro əvəzinə);
- Magistr dərəcəsi: ildə təxminən 3941 avro (əvvəlki 254 avro əvəzinə).
Nazirlik vurğulayıb ki, bu yanaşma fərqli əmək haqqı sistemini tam şəkildə tətbiq etməyi hədəfləyir. Bu sistem 2019-cu ildə qəbul edilsə də, hələlik gözlənilən nəticəni verməyib.
