Lent az saytından alınan məlumatlara görə, ain.az xəbər verir.
Televiziya tarixində bəzi ekran əsərləri var ki, onlar onilliklər boyu davam edərək bütöv bir nəslin həyatına yoldaşlıq edib. Məsələn, 90-cı illərdə hamının maraqla izlədiyi "Santa-Barbara" serialı 2137 seriyası ilə uzunömürlülük simvoluna çevrilsə də, əsl rekordçuların yanında o, kifayət qədər qısa görünür.
Lent.az tarixin ən uzun seriallarını təqdim edir.
Guiding Light
Bu serial bütün rəqiblərini geridə qoyaraq tam 72 il (1937–2009) davam edib. Maraqlıdır ki, o, 1937-ci ildə radio-tamaşa kimi başlayıb, 1952-ci ildə isə televiziya formatına keçib.
Ümumilikdə 18 252 seriyası çəkilən bu sabun operası dünya tarixinin ən uzunmüddətli serialı kimi Ginnesin Rekordlar Kitabına düşüb.
As the World Turns
54 il ərzində (1956–2010) 13 858 seriyası yayımlanıb. Bu layihə Meq Rayan və Kortni Koks kimi ulduzların Hollivud karyerasına başladığı yer kimi də tanınır.
One Life to Live
1968-ci ildən 2012-ci ilə qədər davam edən 11 096 seriyalıq bu dram, irqi və sosial münaqişələri mövzu edən ilk Amerika seriallarından biridir. Larri Fişborn və Tommi Li Cons kimi məşhurların parladığı layihə cəsarətli süjeti ilə yadda qalıb.
General Hospital
1963-cü ildən yayımlanan və hələ də davam edən bu serial artıq 15 000 seriya həddini keçib. Reytinqləri yüksək saxlamaq üçün Demi Mur və Elizabet Teylor kimi dünya ulduzları müxtəlif vaxtlarda burada rol alıblar.
All My Children
43 il ərzində (1970–2013) 10 712 seriyası çəkilən bu melodram, ailə sülalələri arasındakı çəkişmələrlə tamaşaçıları ekran başına kilidləyib.
The Young and the Restless
1973-cü ildən bəri davam edən bu ekran işi 13 300-dən çox seriyaya malikdir. Əgər çəkilişlər bu sürətlə davam edərsə, yaxın gələcəkdə bir çox köhnə rekordları yeniləmək potensialına sahibdir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
