"Prezident İlham Əliyevin Avropa Siyasi Birliyi sammitində iştirakı Ermənistanla Azərbaycan arasında yeni atmosferin formalaşmasının sübutudur".
"Yeni Sabah" Armenpress-ə istinadla xəbər verir ki, bunu Avropa İttifaqı Şurasının Prezidenti Antonio Koşta İrəvanda keçirilən Ermənistan-Aİ sammitinin yekunları üzrə Ermənistanın Baş naziri Nikol Paşinyan və Avropa Komissiyasının Prezidenti Ursula von der Leyenlə birgə brifinqində deyib.
O qeyd edib ki, Avropa İttifaqı regional sülh və normallaşma proseslərini dəstəkləməyə davam edəcək.
“Sabit və firavan Cənubi Qafqaz Ermənistanın gələcəyinin təməlidir və Avropa İttifaqı regional sülh və normallaşma proseslərini dəstəkləməyə davam edəcək”, - Koşta əlavə edib.
Telegram kanalımız
