ABŞ Dövlət Departamenti Ukraynaya JDAM uzunmənzilli idarəolunan bombaların və avadanlıqların satışını təsdiqləyib.
APA xəbər verir ki, bu barədə Dövlət Departamentinin internet saytında dərc edilmiş açıqlamada bildirilir.
Məlumata görə, Kiyev KMU-572 konfiqurasiyasında 1200 JDAM və KMU-556 konfiqurasiyasında 332 JDAM, eləcə də əlaqəli avadanlıq və sənədlərin alınmasını istəyib.
Müqavilənin ümumi dəyəri 373,6 milyon dollardır. “Boeing” müqavilənin əsas podratçı şirkəti kimi çıxış edəcək.
