İsrail İrana qarşı genişmiqyaslı əməliyyatları bərpa etməyə hazır olduğunu açıqlayıb

Olaylar.az xəbər verir ki, bu barədə İsrail Müdafiə Qüvvələrinin (İQQ) Baş Qərargah rəisi general-leytenant Eyal Zamir bildirib.

"Biz qələbələrimizi dərinləşdirəcək və İran rejimini daha da zəiflədəcək güclü və genişmiqyaslı əməliyyatı bərpa etmək üçün yüksək hazırlıq vəziyyətindəyik. İranda bir sıra əlavə hədəflərimizi müəyyən etmişik" - Qərargah rəisi qeyd edib.

Zamirin sözlərinə görə, İsrailin birdən çox cəbhədə əməliyyat vasitəsilə regional reallığı dəyişdirmək üçün tarixi bir fürsəti var. O əlavə edib ki, ABŞ ordusu ilə əməkdaşlıq və koordinasiya davam edir.