Ermənistanın Moskvadakı səfiri Qurgen Arsenyan Rusiya Xarici İşlər Nazirliyinə çağırılıb.
Publika.az xəbər verir ki, bu barədə Rusiya XİN məlumat yayıb.
Bildirilib ki, səfir Ukrayna lideri Volodimir Zelenskinin respublikada Rusiyanı təhdid edən açıqlamasından sonra ona verilən xəbərdarlıqla bağlı Yerevana məlumat verəcəyinə söz verib.
Nazirlik diplomata Zelenskinin Ermənistanda keçirilən son Avropa Birliyi tərəfindən təşkil edilən tədbirlər zamanı Rusiyaya qarşı terror təhdidləri səsləndirməsinə icazə verilməsinin qəbuledilməz olduğunu bildirib .
Bundan əvvəl Ukrayna Prezidenti Volodimir Zelenski Rusiyanı 9 mayda Moskvada keçiriləcək Qələbə Günü paradında Ukrayna Silahlı Qüvvələrinin dronlarının iştirakı ilə hədələmişdi. O, Kiyevin bayramda atəşkəsə ehtiyacı olmadığını bəyan etmişdi.
