ain.az, Milli.az saytından verilən məlumata əsaslanaraq xəbər yayır.
Cəmiyyətin "doğru" qəbul etdiyi normalar zaman keçdikcə dəyişir. Keçmişdə "ayıb" və ya zəiflik kimi görülən bir çox hərəkət, bu gün fərdi azadlıq, özünəhörmət və emosional gücün göstəricisi hesab olunur.Milli.Az müasir dünyada sağlam davranış kimi qəbul edilən həmin 10 seçimi təqdim edir:
Terapiyaya getmək və psixi sağlamlığı önəmsəmək
Psixoloji dəstək almaq əvvəllər gizlədilməli olan bir vəziyyət idi. Bu gün isə terapiya həm fərdi inkişaf, həm də ailə daxili ünsiyyət problemlərini həll etmək üçün müraciət edilən tamamilə normal və sağlam bir sahəyə çevrilib. Bu, zəiflik deyil, özünü anlamaq cəsarətidir.
Təkbaşına tətilə çıxmaq
Bir zamanlar tək səyahət etmək "tənhalıq" və ya "kimsəsizlik" kimi qəbul edilirdi. İndi isə bu, insanın özü ilə vaxt keçirə bildiyini, müstəqil qərarlar ala bildiyini və xarici təzyiqlər olmadan nə istədiyini kəşf etdiyini göstərən bir təcrübədir.
Sosial mediada səmimi olmaq
Keçmişdə hissləri və şəxsi həyatı bölüşmək "həddindən artıq" hesab olunurdu. Günümüzdə isə insanlar real təcrübələrini paylaşdıqca rəqəmsal mühit daha səmimi olur və bənzər problemlər yaşayanlar arasında görünməz bir həmrəylik yaranır.
İşdən çıxmaq və yeni yollar sınamaq
Keçmişdə tez-tez iş dəyişmək uğursuzluq və ya qeyri-sabitlik kimi yozulurdu. Artıq insanlar bədbəxt olduqları bir yerdə qalmağın əsl risk olduğunu anlayır və karyeralarını öz xoşbəxtliklərinə uyğun formalaşdırırlar.
"Yox" demək və sərhədlər qoymaq
Başqalarını incitməmək üçün hər şeyə "hə" demək əvvəllər fəzilət sayılırdı. Bu gün isə bunun insanı tükəndirdiyi məlumdur. "Yox" deyə bilmək insanın özünü qoruya bildiyinin və ən təməl sağlam davranışlardan birinin göstəricisidir.
Evlənməməyi seçmək
Uzun illər evlilik həyatın qaçınılmaz bir addımı kimi təqdim olunurdu. İndi isə insanlar münasibətləri bir məcburiyyət deyil, bir seçim olaraq görür və həyatlarını öz prioritetlərinə görə yaşamağı mənimsəyirlər.
Hisslər haqqında açıq danışmaq
Duyğularını dilə gətirmək bir dövr "həddindən artıq həssaslıq" kimi etiketlənirdi. İndi isə hisslər haqqında danışmaq həm insanın özü ilə bağını gücləndirir, həm də münasibətlərdə yığılıb qalan problemlərin qarşısını alır.
Uşaq sahibi olmamaq qərarı
Əvvəllər uşaq sahibi olmamaq "əskiklik" kimi görülürdü. Bu gün isə bu qərarın karyera, həyat tərzi və ya fərdi dəyərlərlə bağlı şüurlu bir seçim olduğu cəmiyyət tərəfindən daha çox qəbul edilir.
Özünə vaxt ayırmaq və tənhalığa çəkilmək
Heç bir plan qurmadan sadəcə özünlə qalmaq əvvəllər "məhsuldarsızlıq" kimi yozulurdu. İndi isə bunun zehnini toplayan, yaradıcılığı artıran və daxili tarazlığı bərpa edən mühüm bir ehtiyac olduğu bilinir.
Uğurlarını qeyd etmək və özü ilə fəxr etmək
Keçmişdə insanın öz uğurlarından danışması "öyünmək" kimi qəbul edilirdi. Artıq insanlar öz irəliləyişlərini fərq etməyin və bunu qeyd etməyin motivasiyanı artırdığını və sağlam özgüvən yaratdığını qəbul edirlər.Lalə Qüdrətova
Milli.Az
Daha ətraflı məlumat və yeniliklər üçün ain.az saytını izləyin.
