ain.az, Bizimyol portalına istinadən məlumat yayır.
Yaponiya Baş naziri Sanae Takaiçi casusluğa qarşı qanunvericiliyin tezliklə qəbul edilməsinin tərəfdarı olduğunu bildirib. O, bəzi xarici qurumların ölkədə aktiv şəkildə pozucu fəaliyyət göstərdiyini vurğulayıb.
Bizimyol.info xəbər verir ki, Takaiçi məsələni Yaponiyanın Ali Palatasında plenar iclas zamanı qaldırıb; burada Milli Kəşfiyyat Şurası və Milli Kəşfiyyat İdarəsinin (MKİ) yaradılması barədə qanun layihəsi müzakirəyə çıxarılıb.
“Xarici kəşfiyyat orqanları ölkəmizə yönəlmiş pozucu əməliyyatlar aparır. Qarşımızda belə qanunsuz müdaxilələrin qarşısını almaq üçün mexanizmin hazırlanması kimi təxirəsalınmaz vəzifə durur”, – deyə baş nazir bildirib. O əlavə edib ki, bəzi xarici kəşfiyyatlar Yaponiyada seçkilərə təsir göstərməyə çalışır, həqiqətə uyğun olmayan məlumatlar yayaraq ictimai rəyi formalaşdırmağa cəhd edir. Bu səbəbdən Takaiçi Yaponiyanın kəşfiyyat orqanlarının gücləndirilməsinin vacibliyini vurğulayıb.
Aşağı Palata apreldə Baş nazirin rəhbərliyi ilə Milli Kəşfiyyat Şurasının, həmçinin məlumatların toplanması və işlənməsi ilə məşğul olacaq MKİ-nin yaradılmasını nəzərdə tutan qanun layihəsini təsdiqləyib. Şuraya baş nazirin yanında Baş katib, Xarici İşlər naziri, Müdafiə, Ədliyyə və Maliyyə nazirləri daxil olmaqla kabinetin doqquz aparıcı üzvü daxildir. Onlar kəşfiyyat və kontr-kəşfiyyat sahəsində əsas prinsipləri müəyyən edəcəklər. Qanunun praktik icrasına isə MKİ rəhbərlik edəcək, idarənin rəhbərinin isə nazir səviyyəsində statusu olacaq.
Bizimyol.info
Ən son xəbərləri və yenilikləri almaq üçün ain.az saytını izləyin.
